Preparing Your English

Монголчуудын гол эндүүрэл бол гадаадад очсон хойноо хэлийг нь суралцвал илүү үр дүнтэй гэж боддог. Гадаадад гарахаараа л хэл сурна гээд хойш тавиад байдаг Монголын сэхээтнүүдийг сэхээ ороосой гэж их боддог юм. Ингэснээр харин ч Монголдоо сайжруулах боломжтой ерөнхий мэдлэгийг гадаадад маш их өндөр төлбөр төлж байж олж авах болдог. Англи хэл сурахад оролдлого, цаг хугацаа, зорилго байхад л хангалттай. Цаг хугацааны туршид арга барил суухгүй удаад байвал хямдавтар шиг системтэй сургалтанд хамрагдах хэрэгтэй. Эрт эхлэх тусмаа л сайн байдаг. 6 сарын хэлний курсын төлбөр болох 5000 гаран америк долларыг нь төлөөд ирсэн хойноо хэлээ сайжруулж, цааш нь дээд сургуульд элсэн орж амжилттай сурч төгссөн Монголчууд ч бас бий.  Хэрэв үнэхээр цаашаа үргэлжлүүлж сурах бодолтой боловч хэлний шалгалтын оноо байхгүй, хэлний курсээр ирэхээр шийдсэн бол алсдаа үргэлжлүүлж суралцах сургуулиа сонгоод, тухайн сургуулийн дэргэдэх хэлний курсэд суралцаж болох ба та ирсэн хойноо хэлнийхээ түвшинг хурдан дээшлүүлж, богино хугацаанд үндсэн мэргэжлийнхээ сургалтанд тэнцэж чадвал анх авч байсан хэлний курсын оюутны визийг магист, бакалаврын оюутны визээр сольж, хэлний курсэд төлсөн сургалтын төлбөрөө үндсэн програм руугаа шууд шилжүүлж болдог.Ер нь Монголдоо хэлээ үзээд шууд ирэх, эсвэл аль болох богино хугацааны хэлний курс бүхий үндсэн мэргэжлийнхээ программаар ирэх нь хамгийн оновчтой сонголт гэж олон Монголчууд зөвлөдөг. Англи хэлтэй улсад 10-аад жил амьдарсан ч Англи хэлгүй Монголчууд байж л байдаг. Өөрөө л суръя гэхгүй бол гадаадад хүнийг сургая гэхгүй, биеэ дайчилдаггүй хүмүүст цаг, мөнгөний гарз болдог. Монголд зарим сайн хэлний курсууд байдаг. (ESP Foundation -http://www.esp.mn Тел: 321517,11-324313; SANTIS – http://www.santis.mn  Тел: 318313, 318319, 312936 ). Болж өгвөл Монголдоо Англи хэлний мэдлэгээ дундаас дээгүүр болгочихоод гадаадад гарвал харин амархан хөлөө олох боломжтой шүү.

Good luck all!

 Source:  www.gegeen.com

-oOo-

Related: http://gegeen.wordpress.com/2007/11/05/preparing-your-english/